Një ngjarje e rëndë ka ndodhur në shtetin e Indianas, SHBA, ku një vajzë 4-vjeçare humbi jetën pasi u sulmua nga 6 qen të racës pitbull brenda një banese.
Sipas mediave lokale, vogëlushja ndodhej nën kujdesin e hallës së saj, Oliva Mora Regaldo, e cila ndërroi jetë papritur për shkak të një problemi shëndetësor.
Pas vdekjes së saj, fëmija mbeti vetëm në shtëpi me shtatë qen, përfshirë një pudël dhe gjashtë pitbullë.
Policia e Huntingburg ka bërë të ditur se vajza u sulmua brutalisht nga kafshët, ndërsa nëna e saj, Gina Flores, gjeti skenën tragjike sapo shkoi për ta marrë të bijën.
Ajo telefonoi urgjencën rreth orës 15:40, por mjekët nuk arritën ta shpëtonin dhe fëmija u shpall i vdekur në vend.