Presidenti amerikan Donald Trump ka deklaruar se personi i dyshuar për vrasjen e aktivistit konservator Charlie Kirk ndodhet tashmë në pranga.
Në një lidhje të drejtpërdrejtë për emisionin Fox & Friends, Trump tha: “Mendoj, me një shkallë të lartë sigurie, se e kemi në paraburgim. Të gjithë bënë një punë të shkëlqyer. Punuan bashkë policia lokale, guvernatori, të gjithë.”
Sipas Metro, Trump ka kërkuar dënim me vdekje për vrasësin e Kirk.
Më tej, Trump zbuloi se “dikush shumë pranë” autorit të dyshuar e kishte dorëzuar, ndërsa shtoi se detaje të tjera do të publikohen nga autoritetet gjatë ditës.
Trump theksoi se nuk ishte ende e qartë nëse personi kishte vepruar i vetëm apo ishte pjesë e një rrjeti më të gjerë, ndërsa shtoi se kishte mësuar lajmin vetëm pesë minuta para se të dilte në transmetim.
Charlie Kirk u qëllua për vdekje të mërkurën në mesditë, teksa po mbante një fjalim në Universitetin e Luginës së Utah (UVU). Ai u dërgua me urgjencë në spital, por ndërrimi i jetës u konfirmua
