Të paktën 15 persona kanë vdekur në një aksident në Gadishullin Jukatan, sipas sekretarit të shtetit për sigurinë publike të Meksikës.
Aksidenti ndodhi në autostradën midis Meridës dhe Campeche, duke vrarë pasagjerët e një rimorkioje, një makine dhe një taksie.
Përplasja e automjeteve të përfshira shkaktoi zjarr të fuqishëm, i cili ishte edhe shkaku kryesor i bilancit tragjik.
“Shprehim solidaritetin dhe mbështetjen tonë për familjet në këtë moment dhimbjeje të madhe”, tha Guvernatori i Jukatanit, Joaquín Díaz Mena, në një postim në X.
“Që nga raporti i parë (i aksidentit) emergjenca, shërbimet e sigurisë dhe shëndetësore janë përfshirë, duke ofruar ndihmë të menjëhershme”, theksoi zyrtari.
Pamjet e aksidentit të frikshëm u shpërndanë nga mediat menjëherë, teksa mjetet u bënë copash dhe rruga u përgjak nga përplasja fatale.
