Robert Redford, aktori simpatik dhe regjisori fitues i çmimit Oscar, i cili shmangu statusin e tij si një yll i Hollivudit për të mbështetur kauza që i kishte për zemër, ka ndërruar jetë të martën, mëson CNN. Ai ishte 89 vjeç.
I njohur për rolet e tij kryesore në filmat “Butch Cassidy and the Sundance Kid” dhe “All the President’s Men”, Redford ishte gjithashtu regjisor i filmave të vlerësuar me çmime, si “Ordinary People” dhe “A River Runs Through It”.
Pasioni i tij për artin e kinemasë çoi në krijimin e Institutit Sundance, një organizatë jofitimprurëse që mbështet filmin dhe teatrin e pavarur, e njohur për Festivalin Vjetor të Filmit Sundance.
Redford ishte gjithashtu një ambientalist i përkushtuar. Ai u shpërngul në malet e Utah-it në vitin 1961 dhe udhëhoqi përpjekje për të ruajtur peizazhin natyror të këtij shteti dhe të Perëndimit Amerikan.
