Rrëshqitje dheu vd*kjeprurëse dhe shira të rrëmbyeshëm, raportohet për 15 vik*ima! Uji merr para banesa dhe biznese

Të paktën 15 persona kanë humbur jetën, ndërsa 16 të tjerë rezultojnë të zhdukur si pasojë e shirave të rrëmbyeshëm dhe rrëshqitjes së dheut që goditën zonën e Uttarakhand në Indi.

Mediat e huaja kanë publikuar video nga terreni, ku duken dëmet e mëdha që ka shkaktuar moti i keq dhe rrëshqitja e dheut.

Shumë biznese, rrugë, dhe banesa kanë pësuar dëme rë konsiderueshme, ndërkohë që banorët e zonës kanë mbetur pa strehë.

“Dyqanin tim e mori uji”, tha një banor i zonës për agjencinë e lajmeve ANI.
Trembëdhjetë trupa u gjetën të martën në Dehradun dhe nga një në distriktet Pithoragarh dhe Nainital, raportoi gazeta Indian Express.

Uttarakhand është i prirur ndaj përmbytjeve dhe rrëshqitjeve të tokës të shpeshta, të cilat disa ekspertë ia atribuojnë ndryshimeve klimatike.

Në gusht, përmbytjet dhe një rrëshqitje dheu përfshinë fshatin Darali në shtet, dhe autoritetet thanë se 60 persona mbeten të zhdukur.