Gjysma e Tiranës u trondit gjatë mesnatës nga një shpërthim i fuqishëm që u dëgjua në shumë zona të kryeqytetit. Zhurma shkaktoi panik dhe pasiguri te qytetarët, ndërsa rrjetet sociale u mbushën me raportime të shumta. Shpërthimi raportohet të ketë ndodhur në zonën e Institutit.
Policia ka mbërritur në vendngjarje, por deri tani nuk ka dhënë asnjë deklaratë zyrtare. Sipas dhjetëra raportimeve të qytetarëve, shpërthimi ka ndodhur pranë banesës së deputetit të PD-së, Xhelal Mziu.
Banorët e zonës thonë se nuk dinë asgjë, ndërsa të gjithë presin që autoritetet të thonë fjalën e tyre sepse “Policia i di të gjitha.”
Fatmirësisht, deri më tani nuk raportohet për persona të lënduar. JOQ
