Në fjalimin e tij të parë në Asamblenë e Përgjithshme të Kombeve të Bashkuara që nga viti 2020, Presidenti i SHBA-së Donald Trump e paralajmëroi Evropën të martën se migrimi i parregullt po “shkatërron trashëgiminë dhe shkatërron shtetet.
Trump e quajti imigracionin dhe politikat që përballen me ndryshimet klimatike një “përbindësh”” që po shkatërron kontinentin evropian.
“Nëse nuk i ndalni njerëzit që nuk i keni parë kurrë më parë, me të cilët nuk keni asgjë të përbashkët, vendi juaj do të dështojë”, tha Trump.
“Unë jam presidenti i Shteteve të Bashkuara, por shqetësohem për Evropën. E dua Evropën, i dua njerëzit e Evropës. Dhe e urrej ta shoh të shkatërrohet nga energjia dhe imigracioni, ai përbindësh me dy bishta që shkatërron gjithçka pas tij.
Është koha për t’i dhënë fund eksperimentit të dështuar të kufijve të hapur. Duhet t’i jepni fund tani. Mund t’ju them, jam vërtet i mirë në këtë gjë. Vendet tuaja po shkojnë në ferr,” tha Trump.
Gjatë fjalimit të tij 60 minuta Trump akuzoi OKB-në për lehtësimin dhe investimin në migrimin e parregullt në të gjithë botën.
