Gjatë ceremonisë mortore të Eldion Kelmendit, vëllait të Gjestit, një incident i papritur ka shkaktuar indinjatë të madhe publike.
Eldioni u varros dje në orën 17:00 në varrezat e fshatit Pavlan, pasi humbi jetën tragjikisht në një aksident me motor.
Ndërsa qytetarë të shumtë dhe figura publike ishin mbledhur për të shprehur ngushëllimet, disa pjesëmarrës u fotografuan duke shkelur varret e personave të tjerë të varrosur aty pranë. Kjo u raportua nga disa qytetarë, të cilët dërguan fotografi në redaksi.
Veprimi ka ngjallur reagime të forta për mungesën e respektit dhe dinjitetit gjatë një akti kaq delikat.
Publiku e ka cilësuar këtë incident si të turpshëm, duke bërë thirrje për një reflektim mbi kulturën e respektit ndaj vendeve të fundit të pushimit.
Familja Kelmendi po përballet me dhimbjen e madhe të humbjes, ndërkohë që incidente të tilla sjellin një ndjenjë hidhërimi shtesë.
