Një operacion i madh nga Nëndrejtoria e Hetimit të Krimeve Financiare (FBI-ja greke), ka filluar që nga mëngjesi i së martës për të shkatërruar një organizatë kriminale që po “mblidhte” qindra mijëra euro përmes rimbursimeve të paligjshme të TVSH-së.
Anëtarët e rrjetit dyshohet se kanë deklaruar transaksione fiktive me qëllim që të marrin rimbursime të TVSH-së prej mijëra eurosh. Konkretisht, ata po prisnin fatura duke krijuar transaksione të supozuara, raporton “Protothema”.
Deri më tani, policia ka vënë në pranga 17 persona, përfshirë kontabilistë, figura të shquara dhe drejtues kompanish, ndërsa janë sekuestruar të paktën 500,000 euro cash.
Megjithatë, sipas informacioneve të deritanishme, roli i trurit të bandës i atribuohet presidentit të një ekipi lokal të Atticës, që garon në kampionatet amatore.
