Dhimbja e familjes Haka për humbjen e Doriana Hakës, bashkëshortes së ish-portierit Alban Hoxha, vijon ende pas 11 vitesh, ndërsa ata kërkojnë me ngulm drejtësi për vdekjen e vajzës së tyre.
Doriana, vetëm 25 vjeçe, ndërroi jetë në nëntor të vitit 2014, dy javë pasi solli në jetë djalin e saj të parë. Që nga ajo ditë, prindërit e saj Hamide dhe Enver Haka nuk kanë reshtur së kërkuari shpjegime ligjore për humbjen e bijës.
Nëna e së ndjerës, e përlotur, u shpreh në seancë:
“Kemi 11 vite që presim drejtësi. Një fëmijë po rritet pa nënë. Shpresoj në një drejtësi të vonuar, por jo të harruar. Dori im do drejtësi, më digjet shpirti, më dhemb zemra.”
Ndërsa i ati, Enver Haka, akuzoi gjykatat për zvarritje të pafundme:
“Kam 11 vite që sorollatem nëpër gjykata. Po bëhen 3 vjet që çështja rri në Apel. Nuk do të ndalem derisa të mbyll sytë. Dua vetëm drejtësi.”
Avokati i familjes, Bashkim Sulstarova, deklaroi se trupa gjykuese ka dëgjuar ekspertët dhe se pritet një vendim i bazuar mbi prova dhe ligj.
Por ndërsa procesi ligjor zvarritet, dhimbja e prindërve rritet: një nënë e re që humbi jetën, një fëmijë që u rrit pa të, dhe një familje që kërkon vetëm një përgjigje – pse Doriana nuk jeton më?
Dhimbja e familjes Haka për humbjen e Doriana Hakës, bashkëshortes së ish-portierit Alban Hoxha, vijon ende pas 11 vitesh, ndërsa ata kërkojnë me ngulm drejtësi për vdekjen e vajzës së tyre.
Doriana, vetëm 25 vjeçe, ndërroi jetë në nëntor të vitit 2014, dy javë pasi solli në jetë djalin e saj të parë. Që nga ajo ditë, prindërit e saj Hamide dhe Enver Haka nuk kanë reshtur së kërkuari shpjegime ligjore për humbjen e bijës.
Nëna e së ndjerës, e përlotur, u shpreh në seancë:
“Kemi 11 vite që presim drejtësi. Një fëmijë po rritet pa nënë. Shpresoj në një drejtësi të vonuar, por jo të harruar. Dori im do drejtësi, më digjet shpirti, më dhemb zemra.”
Ndërsa i ati, Enver Haka, akuzoi gjykatat për zvarritje të pafundme:
“Kam 11 vite që sorollatem nëpër gjykata. Po bëhen 3 vjet që çështja rri në Apel. Nuk do të ndalem derisa të mbyll sytë. Dua vetëm drejtësi.”
Avokati i familjes, Bashkim Sulstarova, deklaroi se trupa gjykuese ka dëgjuar ekspertët dhe se pritet një vendim i bazuar mbi prova dhe ligj.
Por ndërsa procesi ligjor zvarritet, dhimbja e prindërve rritet: një nënë e re që humbi jetën, një fëmijë që u rrit pa të, dhe një familje që kërkon vetëm një përgjigje – pse Doriana nuk jeton më?
