Presidenti i FSHF, Armand Duka ka folur në emisionin “Opinion” festën e kombëtares pasi arriti të fitonte në Serbi. Duka tha se gjatë festimeve në dhomën e zhveshjes, dëmtuan tavanin edhe disa objekte të tjera. Për këto dëme, autoritetet e mirëmbajtjes së stadiumit në Leskovac i kanë dërguar faturën e dëmeve.
Presidenti i FSHF thotë se është i gatshëm që të kryej dëmshpërblimin.
Pjesë nga intervista
Fevziu: Pas entuziazëm te dhomat e zhveshjes, madje pash që dëmtuat pak edhe tavanin e stadiumit të Leskovacit.
Duka: Ata të stadiumit na kanë çuar një letër me të gjitha dëmet që kemi bërë, është edhe ajo e tavanit.
Fevziu: E tavanit sipër? A do i paguani dëmet?
Duka: Po, na i kanë çuar, na i kanë evidentuar dhe padyshim që jemi të gatshëm që t’i ç’dëmtojmë.
Në emisionin “Opinion” Presidenti i Federatës Shqiptare të Futbollit, Armand Duka ka rrëfyer emocionet e përjetuara pas fitores ndaj Serbisë.
Duka ka treguar dhe takimin e parë pas fitrores me trajnerin Sylvinhon në korridoret e stadiumit.
Pjesë nga biseda:
Blendi Fevziu: “Në momentin e fundit pashë që në korridorin drejt dhomave të zhveshjes u takuat me Sylvinhon. Çfarë i the?”
Armand Duka: Në fakt, nuk arrita t’i them asgjë. Silvio ishte shumë i emocionuar, shumë i…
Blendi Fevziu: Mora vesh që kishte pirë pesë shishe me ujë të gazuar, siç u tha gazetarëve.
Armand Duka: U mundova që ta qetësoj dhe, le të themi, ta përqafoj në një farë mënyre, ta përgëzoj për atë që arritëm, por ishte shumë i emocionuar. Dhe unë e di se ka goxha eksperiencë, por puna e trajnerit është shumë e vështirë dhe emocionet e tij pas ndeshjes… i kam provuar edhe më keq se Silvio tani.
