Hetimet ndaj Belinda Ballukut, numrit dy të qeverisë dhe ministres së Infrastrukturës, kanë marrë një dimension të ri pas sekuestrimit të celularit të ish-vartësit të saj, Ervis Berberi. Ky i fundit ishte drejtor i Rrugëve, por tashmë është i burgosur për abuzime në tendera. Mesazhet e gjetura nga SPAK në pajisjen e Berberit po përdoren si prova kyçe në hetimet për aferën e Llogarasë. Berberi ruante disa nga mesazhet e tij duke i fotografuar (screenshot) dhe duke i dërguar tek celulari i gruas së tij për të siguruar dokumentimin e komunikimeve.
Ndër këto mesazhe, një nga më pikantët që është përmendur nga mediat, por dhe nga opozita është ai që i ka ardhur nga vetë Belinda Balluku, ku në mënyrë joformale e quan kryeministrin Edi Rama “palloshi gjatë”. Balluku i bën me dije Berberit se në një orë të caktuar do hynte tek zyra e Ramës, dhe pas 5 minutash që ajo do gjendej aty, ai duhet t’i dërgonte një njoftim në telefon, në mënyrë që të dy të shtireshin sikur po e merrnin vesh aty për një çështje që ata kishin vendosur t’i paraqisnin kryeministrit si surprizë, duke dashur t’ia hedhin atij. Në këtë kontekst Balluku i shkruan Berberit: ” Në filan orë do hyj tek Palloshi i gjatë…”.
Kush është kurva në mesazhet e Ballukut?
Gjithashtu në mesazhet e tjera në duart e SPAK, Berberi i thotë Belindës: Shiko, për pak nxjerr tunelin, edhe pak. I përgjigjet Belinda: Prit. Berberi: Për tunelin, okay? Belinda Balluku thotë: Po po, por prit t’i çoj fjalën atij kurvë që kërcënon me SMS. Okay, i përgjigjet Evis Berberi. Pas dy orësh Belinda i konfirmon, mesa duket ka folur me atë “kurvën” dhe ka marrë konfirmimin. Ende nuk është e qartë se kush e ka kërcënuar Belinda Ballukun për nxjerrjen e tenderit për tunelin e Llogarasë. E ka kërcënuar shefi i saj, Edi Rama? E kanë kërcënuar bandat? Apo e kanë kërcënuar ata që kanë fituar tenderin? Opozita është e bindur se Belinda Balluku i referohet Edi Ramës me këtë mesazh. “Miq, ju lutem lexojeni këtë shkëmbim mesazhesh midis Rahmetlije Ballukut dhe Ervis Berberit për të kuptuar rolin e Ramës në këtë aferë që ajo e cilson: “atij k*urves.””, u shpreh dje Berisha.
Pjese nga dosja
Në datën 28.08.2021, në orën 09:07 – 09:08, shtetasja Belinda Balluku i dërgon shtetasit Evis Berberi mesazhet: “E shpeton erind situaten? Ben sens apo jo?”.
Në orën 09:08-09:12, Evis Berberi: “Sens bën po mos na hidhen ne fyt pala tjetër Si fillim ta shtyme qe ti japim kohë vetes, “.
Në orën 09:29, Belinda Balluku: “Nesër ne 8 tek unë në përballë me zyrën tende”. Në datën 29.08.2021, në orën 07:54, shtetasi Evis Berberi i dërgon shtetases Belinda Balluku mesazhin: “Mgjs te Toni u ula”.
Në orën 07:54, Belinda Balluku: “Ne darke o zemër. Në orën 07:54, Evis Berberi: “Hahahaahaahha”. Në orën 07:54-07:55, Belinda Balluku: “Unë jam ne Viene Po le colin ne shkolle Kthem ne dreke”.
Në orën 07:55, Evis Berberi: “Ok”. Në orën 19:56, Evis Berberi: “Unë mbërrita te Toni brenda u ula”.
Në orën 20:26, Belinda Balluku: “Erdha për pak”. Në orën 20:26, Evis Berberi: “Ok”.
Në orën 20:26, Belinda Balluku: “Sory se isha pak tek babi”.
Në orën 20:27, Evis Berberi: “Pa prob”. Në orën 21:03, Belinda Balluku: “Po futem ne garazh 23 Hajde lart me mire Shkalla H’.
Në orën 21:03, Evis Berberi: “Ketu jam Ok”. Më pas, në orën 22:07, shtetasi Evis Berberi telefonon shtetasen Arta Gurabardhi.
Në datën 30.08.2021, në orën 12:08, Belinda Balluku i dërgon shtetasit Evis Berberi mesazhin: “Ke kane me vete ?”. Në orën 12:11, Evis Berberi: “Vetem tre turqit”. Në orën 12:17, Belinda Balluku: “Ok”
Në datën 07.09.2021, në orën 12:04, shtetasi Evis Berberi i dërgon shtetases Belinda Balluku fotografi nga sistemi elektronik i prokurimeve, ku vihen re emrat e operatorëve ekonomikë që kanë ofertuar në procedurën e prokurimit.
Në orën 12:20, Belinda Balluku: “Po oferta”.
Në orën 12:26, Evis Berberi: “Kinezi 185 754 927 ml euro mbi 200 miliard lek, Limak 18 690 597 185, Albania Glob affaire 18 000 000 000 lek, inter 17 036 526 000 lek dhe Albbuilding 15 848 808 298”.
Në orën 12:27, Belinda Balluku: “Oenkemi shkëlqyer me pak fjalë”.
Në orën 12:28-12:29, Evis Berberi: “I pari me te dytin 10 milion euro diference super fare Po I shohim me detaje dhe te bej një përmbledhje”.
Në orën 12:34, Belinda Balluku: “Sigurisht ka hyre skandal poshtë, por nuk plotëson kushtet sigurisht’.
Në orën 12:37, Evis Berberi: “Është afërsisht me të njëjtën ofertë”.
Në orën 13:57, Belinda Balluku: “Si janë ndare ne %Asl me intercar”.
Në orën 13:58, Evis Berberi: “70 me 30”. Në orën 13:59, Belinda Balluku: “Kur mbyllet vlerësimi”.
Në orën 14:00, Evis Berberi: “Po them ta leme mbi 10 dite se herën e pare e mbajtëm mbi 15 dite dhe 5 kompani kishim te duket qe po vlerësojmë. Nëse duhet shpejt e bëjmë”.
Në orën 14:02, Belinda Balluku: “Ok lere 15 dite po me jep dt e sakte”. Në orën 14:03, Evis Berberi: “Dt 22 bëhen 15 dite”.
Në orën 14:03, Belinda Balluku: 24 “Ca te ndodh me afatet? Po ta mbyllim ne dt 16?”.
Në orën 14:04, Evis Berberi: “Asgjë E kemi me afër kontratën Jemi ok me 16. 9 dite vlerësim mjaftueshëm”
Në datën 01.10.2021, në orën 10:52, Berberi i shkruan Ballukut: “Ok. Për pak nxjerr tunelin”.
Në orën 10:53, Balluku i përgjigjet: “Prit dhe pak”, duke ndjekur më pas një bisedë të shkurtër për procedurat.
Në orën 10:54, Balluku i shkruan Berberit: “Po po, prit ti çoj fjalën atij kurvës qe kërcënon me sms”, me përgjigjen e Berberit: “Ok”.
Në orën 13:37, Balluku i kërkon: “Nxirre tunelin”, dhe Berberi përgjigjet në 13:43: “Ok Per pak”.
Më pas, në orën 16:06, Berberi konfirmon: “Tuneli u nxorr Sapo”.