Një tërmet me magnitudë 5.3 ballë të shkallës Rihter goditi sot Japoninë, njoftoi Qendra Sizmologjike Evropiane-Mesdhetare.
Sipas raportimeve, epiqendra e tërmetit ishte në det të hapur, në lindje të ishullit Honshu, në një distancë prej 144 kilometrash nga qyteti i Miyako dhe në një thellësi prej 10 kilometrash.
Për momentin nuk ka informacione për të lënduar apo dëme materiale.
Nuk është lëshuar asnjë paralajmërim për cunami.
