Kryeministri, Edi Rama gjatë fjalës së tij në një takim me banorët ne njësisë 2 në Tiranë ka folur lidhur me rastin e Onkologjikut. Rama u shpreh se transformimi është i jashtëzakonshëm. Ai theksoi se kanë vënë në dispozicion një fond për barnat për kancerin.
“Të marrim onkologjikun. Patjetër që ajo që ndodhi në spitalin onkologjik ishte diçka tronditëse, por transformimi i bërë tek Onkologjiku është i jashtëzakonshëm sa i përket infrastrukturës. Aty ku dobësia e madhe krijoi edhe hapësirë për ato ngjarje skandaloze.
Janë barna shumët ë shtrenjta, që duhet të përmbushin nevoja që shkojnë duke u rritur. Kanceri si në gjithë botën po bëhet sëmundje gjithnjë e më e përhapur. Kemi vënë për herë të parë fond për të përballuar të gjitha nevojat për barnat për kancerin, që do të thitë njerëzit tanë që shkojnë atje të mos kenë mungesë dhe nga ajo mungesa të mos përfitojë askush siç ndodhi në atë situatë që ishte.
Por ama, nuk kemi dashur ne të mbulojmë gjithë barnat më parë? S’kemi dashur ti rrisim pensionet më parë? Patjetër që kemi dashur por s’ka qenë mundësia, sot pse është mundësia, sepse është rritur ekonomia, rriten të ardhurat”, tha Rama
ryeministri, Edi Rama gjatë fjalës së tij në një takim me banorët ne njësisë 2 në Tiranë foli lidhur rritjen e pensioneve dhe pagës minimale. Rama theksoi se do të rritet mbështetja për pensionisët teksa foli edhe me shifra. Sipas tij kjo mbështetje do të shkojë 1.7 miliardë euro.
“Më në fund kemi vendosur atë që kemi dashur të bëjmë prej kohësh, por na është dashur kohë. Rritjen e mbështetjes reale për pensionistët që faktikisht do zënë pjesën kryesore në financimin e shtetit në këtë mandat të katërt. Mbështetja ekstra për pensionet do të shkojë në shifrën 1.7 miliardë euro. Paralelisht me rritjen do të kemi dhe indeksim për pensionet.
Paga minimale vlen për sektorin publik dhe privat. Përcaktohet në ligj. Do të rriten pagat për të gjithë punonjësit dhe në sektorin privat. Të gjitha këto do të bëhen pa prekur asnjë taksë dhe pa rritur asnjë taksë. Kemi marrë zotim që Shqipëria të jetë i vetmi vend ku nuk ka tatim fitimi për biznesin e vogël.
Do të bëjmë një veprim shumë domethënës për sipërmarrjen nëpërmjet paqes fiskale. Do të ketë një stabilitet në mbledhjen dhe rritjen e të ardhurave që do t’i shërbejë ekonomisë. Dhe investimet do të rriten. Projekti 2026 është një projekt që e shpreh në të gjithë arkitekturën e vetë atë që thashë, rritjen ekonomike, qëndrueshmërinë”, tha Rama.