Kryeministri Edi Rama ka zbuluar mbrëmjen e djeshme për herë të parë detaje nga takimi tre orësh kokë më kokë me ish-kreun e Partisë Demokratike, Lulzim Basha, i zhvilluar më 17 maj 2021 në qytetin e Elbasanit.
Duke rrëfyer prapaskenat e këtij takimi, Rama tregoi se vendimin për të shkuar në Elbasan e kishte marrë personalisht, pavarësisht rezervave që i ishin shprehur nga Gramoz Ruçi gjatë rrugës. Ai theksoi se qëllimi i tij ishte i qartë, të provonte të krijonte një marrëveshje dhe të ulte tensionet politike në një moment delikat për vendin.
Sipas Ramës, shqetësimi i Ruçit lidhej me disa parime të panegociueshme, si data e zgjedhjeve dhe pozicioni i kryeministrit, ndërsa çdo çështje tjetër mund të diskutohej me Bashën.
Kryeministri bëri të ditur se gjatë bisedës u trajtuan çështje të shumta, deri në arritjen e një dakordësie në fund të takimit.
“Rrugës marr Gramoz Ruçin. Gramoz i them do ti shkoj atje, ku do shkosh më tha, do t’i shkojë i thashë atje në takim. ‘Po le tani ça do ti shkosh në takim, ato janë puënt e tyre ne kemi punën tonë”, më tha.
O do t’i shkoj në takim i thashë, më thuaj çfarë meraqesh ke dhe . Në rast se unë arrij ta ul atë. Th: Dy gjëra kam merak unë. Data nuk lëviz, kryeministri nuk lëviz, çdo gjë tjetër lëviz. Unë kam ardhur për ty i thashë, ai siç e ka atë stilin, shihte të tjerët, po hajde ti se të pres te salla tjetër i thashë. Hajde ti, më mirë se të vijë raketa aty. Dhe erdhi aty. E më tha: “ëmo ça do ti”. Ulu i thashë, Kemi folur pastaj gjerë e gjatë dhe në fund u morëm vesh. Patëm një diskutim kush do flasi i parë, dhe i thashë fol ti. Më tha mos qesh ti kur të flas unë sepse ti e ke pak këtë zakonin që do të tallesh me çdo gjë”, tha Rama në Opinion, duke hedhur kështu dritë mbi një nga takimet dhe marrëveshjet më të komentuara të asaj periudhe, por dhe sot.
