Dy oficerë policie dhe një person tjetër humbën jetën pas një shpërthimi të fuqishëm me makinë në Moskë.
Autoritetet po zhvillojnë hetime për të zbardhur shkaqet dhe autorët e këtij sulmi, ndërsa rrethanat e ngjarjes mbeten ende të paqarta.
Rusia nuk ka dhënë ende informacione të plota nëse shpërthimi ka lidhje me një akt terrorist ose është një sulm i synuar. Ngjarja ndodhi në një zonë afër atij vendi ku u vra më herët gjatë javës gjenerali Fanil Sarvarov, kreu i drejtorisë së stërvitjes operacionale të Ushtrisë ruse.
Autoritetet ruse kanë sugjeruar se Ukraina mund të ketë qenë pas këtij atentati, por Ukraina nuk ka dhënë ende një reagim zyrtar në lidhje me këtë.
