Aksi rrugor Kakavijë-Janinë do të bllokohet sërish ditën e sotme për shkak të protestës që zhvillojnë fermerët grekë.
Bllokimi do të zgjasë tre orë, nga ora 18:00 deri në orën 21:00 (me orën shqiptare) dhe nga ora 19:00 deri në orën 22:00 (me orën greke)
Siç është bërë me dije dhe herët e tjera, në këtë aks gjatë bllokimi do të lejohen të qarkullojnë vetëm automjetet që do të kenë emergjenca shëndetësore.
Njoftimi i policisë:
Kakavijë
Policia Kufitare Kakavijë, nëpërmjet qendrës së përbashkët të shkëmbimit të informacionit Kakavijë, është njoftuar nga Policia Kufitare Greke se ditën e sotme, nga ora 19:00 deri në orën 22:00 (me orën greke), aksi rrugor Kakavijë–Janinë, në kryqëzimin e fshatit Kallpaq, do të jetë i bllokuar për shkak të protestës që do të zhvillojnë fermerët.
Do të lejohen të qarkullojnë vetëm automjetet që do të kenë emergjenca shëndetësore.
Policia Kufitare Kakavijë kërkon mirëkuptimin e qytetarëve dhe sugjeron planifikimin e udhëtimeve me automjete, në orare të tjera të ditës.
