Një influencere meksikane është vrarë gjatë një transmetimit të drejtpërdrejtë në TikTok, raporton BBC.
23-vjeçarja Valeria Marquez u vra nga një burrë që hyri në sallonin e saj të bukurisë në Guadalajara “dhe e qëlloi me armë”, thotë prokuroria e Jalisco.
Motivi i vrasjes nuk dihet, por ngjarja po hetohet si femicid, kur gratë dhe vajzat vriten për shkak të gjinisë.
Dhuna me bazë gjinore është e zakonshme në Meksikë pasi Kombet e Bashkuara raportojnë se 10 gra e vajza vriten çdo ditë nga partneri apo një familjar.
Përpara se të vdiste, Marquez ishte ulur në tavolinë, me një lodër pelushi në dorë duke bërë një video për ndjekësit e saj.
Disa sekonda më vonë, ajo qëllohet për vdekje dhe videoja mbaron kur dikush tjetër merr celularin e saj që të ndalojë regjistrimin.
Mediat lokale raportojnë se Valeria u vra nga një burrë që u shtir se po i bënte një dhuratë.
Ndjekësit e saj që në Instagram e TikTok arrijnë rreth 200.000, reaguan të tmerruar.
Kryebashkiaku i Zapopan, Juan José Frangie tha se nuk kishte të dhëna që Marquez të kishte kërkuar ndihmë nga autoritetet për kërcënime ndaj saj./tvklan.al