Rasti po ndiqet dhe nga një prokuror i huaj dhe një prokuror shqiptar.
Janë zbardhur detaje nga aksioni i SPAK dhe BKH te “Myslym Shyri”, ku agjentët kanë shkuar sot në ambientet e një qendre tregtare dhe kanë ushtruar kontrolle në zyrat e një biznesi.
Ky biznes dyshohet se operonte si Call Center dhe i përket një personi të huaj italian dhe një ortaku shqiptar.
Objekti me qira ndodhej në kullën e ndërtuar pranë ish-shtëpisë së përgjimit të Sigurimit të Shtetit.
Gjatë kontrolleve janë sekuestruar kompjuterë dhe sende të tjera dokumentare, që besohet se kanë lidhje me një çështje për mashtrime të qytetarëve të Bashkimit Europian.
Rasti po ndiqet dhe nga një prokuror i huaj dhe një prokuror shqiptar.
Po ashtu gjatë aksionit të SPAK dhe BKH, kanë marrë pjesë edhe kameramanë të emisionit investigativ italian, LeJene.
Në terren ishte i pranishëm edhe drejtori i BKH-së, Jon Keta, gjë që nënvizon rëndësinë dhe ndjeshmërinë e këtij operacioni për strukturat e reja të drejtësisë shqiptare.
Kontrollet janë zhvilluar për disa orë dhe ka pasur prezencë shumë të lartë policie.
Deri tani nuk ka një njoftim zyrtar nga SPAK mbi rezultatet e aksionit, por burime pranë hetuesve bëjnë me dije se priten arrestime.
