Njëmbëdhjetë persona u plagosën pasi një furgon u përplas me 20 nxënës të cilët po largoheshin nga një ekskursion shkollor në Marsejë. Mësohet se shoferi i furgonit e kishte parkuar automjetin në një shpat dhe ishte larguar për të bërë një shpërndarje.
Sipas të dhënave fillestare të hetimit, frenat e dorës nuk ka funksionuar siç duhet, duke bërë që furgoni të fillojë të lëvizë prapa dhe të përplasë rreth 20 fëmijë dhe tre të rritur që ndodheshin në vendngjarje.
Katër vajza dhe katër djem të moshës 8 deri në 11 vjeç, si dhe dy gra të moshës 27 dhe 40 vjeç, u plagosën lehtë. Një djalë 8-vjeçar u plagos rëndë pasi ka marrë shumë fraktura.
Shoferi i kamionit iu nënshtrua një testi për alkool dhe analizave për të përcaktuar përdorimin e mundshëm të drogës. Gjithashtu kanë nisur hetimet për përcaktimin e rrethanave të sakta të aksidentit.
