Një aksident i rëndë raportohet të ketë ndodhur mbrëmjen e djeshme rreth orës 22:00 në qytetin e laçit ku viktimë ka mbetur 25-vjeçari Elinor Tusha.
Elinor Tusha ishte pasagjer së bashku me Leandro Fufin 23 vjeç, në automjetin që drejtohej nga Gentjan Xhaferri, i cili u përplas me një tjetër makinë që drejtohej nga Aron Zymaj. Ky i fundit është shoqëruar drejt komisariatit për të dhënë shpjegime të mëtejshme ndërsa janë dërguar në spital për të marrë ndihmë mjekësore Leonardo Fufi dhe Gentjan Xhaferri.
Sakaq, grupi hetimor po vijon punën për zbardhjen e dhe dokumentimin e plotë të rrethanave të aksidentit.
“Kurbin / Informacion paraprak
Rreth orës 22:00, në qytetin e Laçit, janë përplasur automjeti me drejtues shtetasin A. Z., me automjetin me drejtues shtetasin G. Xh.
Si pasojë e aksidentit, ka ndërruar jetë shtetasi E. T., rreth 25 vjeç, i cili ishte pasagjer në automjetin e shtetasit G. Xh.
Gjithashtu, janë transportuar për ndihmë mjekësore drejtuesi i automjetit, shtetasi G. Xh., 23 vjeç, si dhe pasagjeri tjetër, shtetasi L. F., 23 vjeç, të cilët ndodhen në Spitalin e Traumës, jashtë rrezikut për jetën.
Shtetasi A. Z. është shoqëruar në Komisariat për kryerjen e veprimeve të mëtejshme procedurale.
Grupi hetimor vijon punën për përcaktimin e shkaqeve dhe rrethanave të aksidentit”, thuhet në njoftimin e policisë.
