Banorja e Big Brother VIP Kosova 4, Alba Pollozhani, ka kërkuar për herë të dytë largimin nga shtëpia, duke nxitur reagime dhe diskutime gjatë spektaklit Prime të së hënës mbrëma.
Pas debateve të forta brenda shtëpisë, ku i përfshirë ishte edhe banori Lim Hoti, Alba deklaroi hapur se dëshironte të ndërpriste garën.
“Dua të dal nga Big Brother dhe e kam të vulosur”, u shpreh ajo para banorëve dhe publikut, duke lënë të kuptohet se vendimi i saj ishte i prerë në atë moment.
Menjëherë pas deklaratës, produksioni njoftoi se konkurrentja ndodhej në një gjendje të rënduar emocionale dhe se për të po kujdeseshin mjekët përkatës, për të garantuar mirëqenien shëndetësore.
Megjithatë, pak çaste më vonë, Alba u shfaq në Dhomën e Rrëfimit, ku ndryshoi pjesërisht qëndrim. Ajo tha se kishte mbledhur forcat për të vazhduar edhe për një periudhë tjetër në lojë dhe se do ta vlerësonte gjendjen e saj emocionale deri të premten, përpara se të merrte një vendim përfundimtar për qëndrimin ose largimin nga gara.
Alba nuk ‘mban më’ nga tradhtitë e Limit: Dua të dal
Situata e saj ka ngritur pikëpyetje mes banorëve dhe ndjekësve të formatit, ndërsa mbetet për t’u parë në ditët në vijim nëse Alba do të vazhdojë rrugëtimin në Big Brother VIP Kosova 4 apo do të vendosë përfundimisht të largohet nga shtëpia.
