Një aksident ka ndodhur në orët e para të mëngjesit të sotëm në qytetin e Elbasanit, i cili i ka marrë jetën një të riu.
Sipas policisë, është arrestuar shtetasi me iniciale R. R., 26 vjeç, banues në Elbasan, pasi në rrugën “Janaq Kilica”, automjeti që ai drejtonte, në gjendje të dehur, ka dalë nga rruga dhe është përplasur me një pemë anësore.
Si pasojë e përplasjes, ka humbur jetën pasagjeri Nehat Uruçi, 21 vjeç, banues në Elbasan.
Ndërkohë, drejtuesi i mjetit ndodhet jashtë rrezikut për jetën dhe është shoqëruar nga policia.
Drejtoria Vendore e Policisë Elbasan
Specialistët e Qarkullimit Rrugor arrestuan në flagrancë shtetasin R. R., 26 vjeç, banues në Elbasan, pasi mëngjesin e sotëm, në rrugën “Janaq Kilica”, automjeti që ai drejtonte, në gjendje të dehur, ka dalë nga rruga dhe është përplasur me një pemë anësore.
Si pasojë e aksidentit, ka humbur jetën pasagjeri në këtë automjet, shtetasi N. U., 21 vjeç, banues në Elbasan, ndërsa drejtuesi i mjetit ndodhet jashtë rrezikut për jetën.
