Pesë efektivë policie kanë mbetur të lënduar nga hedhja e molotovëve drejt godinës së kryeministrisë gjatë protestës kombëtare të opozitës.
Gazetarja Klodiana Lala raportoi se drejt godinës u hodhën edhe sende të forta.
Forcat e rendit hodhën gaz lotsjellës dhe ujë pasi protestuesit lëshuan molotov dhe fishekzjarre drejt Kryeministrisë, sapo kryetari i PD Sali Berisha përfundoi fjalën e tij.
Opozita protestoi sot para Kryeministrisë duke kërkuar dorëheqjen e kryeministrit Edi Rama dhe zëvendëses së tij, Belinda Balluku pas skandaleve të kësaj të fundit.
