Një sulm i armatosur në një fushë futbolli ka shkaktuar të paktën 11 viktima dhe 12 të plagosur të dielën në shtetin qendror meksikan Guanajuato, një nga zonat më të dhunshme të vendit, i goditur rëndë nga aktiviteti i grupeve të krimit të organizuar.
Sipas autoriteteve lokale, sulmi ka ndodhur në qytetin Salamanca. “Është konfirmuar vdekja e 11 personave, 10 prej të cilëve humbën jetën në vendngjarje,
ndërsa një tjetër ndërroi jetë gjatë trajtimit mjekësor në spital,” njoftuan autoritetet, duke shtuar se “12 persona të tjerë janë plagosur nga armë zjarri dhe ndodhen nën kujdes mjekësor”.
Ngjarja vjen vetëm një ditë pasi, të shtunën në mbrëmje, në të njëjtin qytet u gjetën katër thasë që përmbanin mbetje njerëzore, duke rritur më tej shqetësimin për përshkallëzimin e dhunës në zonë.
