Një akt i rëndë kërcënimi është regjistruar ndaj Elton Tozajt, pasi banesa ku ai jeton është lyer me benzinë, në një veprim që dyshohet se ka pasur për qëllim frikësimin dhe intimidimin e tij.
Ngjarja vjen vetëm pak ditë pas një episodi tjetër të rëndë, ku Tozaj u dhunua në mënyrë barbare nga persona ende të paidentifikuar. Ky zhvillim i fundit e përshkallëzon më tej situatën dhe shton shqetësimet për sigurinë e tij personale.
Sipas burimeve, lyerja e banesës me benzinë shihet si një mesazh i qartë kërcënues, duke krijuar frikë për një përshkallëzim të mundshëm të dhunës. Deri më tani nuk raportohet për persona të lënduar, ndërsa pritet që autoritetet të nisin verifikimet për zbardhjen e rrethanave të ngjarjes.
Policia pritet të hetojë nëse dy episodet – dhunimi fizik dhe kërcënimi ndaj banesës – janë të lidhura me njëra-tjetrën dhe nëse kemi të bëjmë me të njëjtët autorë.
Comments are closed.