Një i moshuar ka humbur jetën në rrethana fatkeqe, teksa ishte duke u transportuar drejt Spitalit të Traumës.
Ngjarja ka ndodhur ditën e djeshme në qytetin e Durrësit. Viktima është H.D., 74 vjeç.
Ai dyshohet nga hetimet paraprake, se është rrëzuar nga shkallët e banesës së tij, duke pësuar lëndime serioze dhe fraktura, kryesisht në kokë.
“Më 9 shkurt, ka humbur jetën gjatë transportimit me autoambulancë, nga spitali i Durrësit në spitalin e Traumës, shtetasi H. D., 74 vjeç, i cili dyshohet se është dëmtuar pasi është rrëzuar nga shkallët e banesës”, bëri me dije zyrtarisht policia vendore.
Hetimet po i ndjek Prokuroria, për të zbardhur dinamikën dhe shkaqet e plota të ngjarjes tragjike dhe nëse kujdesi mjekësor ndaj të ndjerit ishte sipas protokollit nga bluzat e bardha.
Comments are closed.