Vladimir Gjuta, një eksponent që ka qenë disa herë në dyert e Policisë së Tiranës, është arrestuar për ngjarjen e ndodhur pak pas mesnate në një hotel në kryeqytet, ku një vajzë 18 vjeçare raportohet se është vetëplagosur me armë zjarri.
Policia e Tiranë ka zbardhur plagosjen me armë zjarri të një 18-vjeçareje pak pas mesnate në një hotel në zonën e Saukut, në kryeqytet.
Sipas bluve të Tiranës, e reja me iniciale N. K., është vetëqëlluar me armë zjarri dhe është dërguar në spital nga shtetasja me iniciale M. R. (Gj) dhe shtetasi E. Gj., 24 vjeç.
Njoftimi i policisë:
Zbardhet ngjarja e ndodhur pak pas mesnate, ku një 18-vjeçare u vetëplagos me armë zjarri.
Vladimir Gjuta, një eksponent që ka qenë disa herë në dyert e Policisë së Tiranës, është arrestuar për ngjarjen e ndodhur pak pas mesnate në një hotel në kryeqytet, ku një vajzë 18 vjeçare raportohet se është vetëplagosur me armë zjarri.
“Në vijim të veprimeve procedurale: u arrestuan në flagrancë shtetasit Vladimir Gjuta, 46 vjeç dhe Mirvete Rexhmati (Gjuta), 48 vjeçe, për veprat penale “Moskallëzim i krimit” dhe “Veprime që pengojnë zbulimin e së vërtetës””, thuhet në njoftimin e Policisë së Tiranës.
Studentja 18 vjeçare në spital, Policia sqaron ngjarjen: Është vetëplagaosur me armë zjarri, pronarët e hotelit e dërguan në urgjencë, por kanë prishur provat (E PLOTË)
Studentja 18 vjeçare që ka mbërritur e plagosur me armë zjarri pak pas mesnate në spital, dyshohet se është vetëplagosur, thotë Policia e Tiranës, ndërkohë që ka shpallur në kërkim tre shtetas dhe ka prangosur dy të tjerë.
Nga veprimet e shpejta hetimore të kryera nga specialistët për Hetimin e Krimeve kundër Jetës dhe Pronës, si dhe nga këqyrja e pamjeve të kamerave të sigurisë, rezultoi se ngjarja ka ndodhur në ambientet e një hoteli në Sauk.
E dëmtuara është transportuar në spital nga shtetasja Mirvete Rexhmati (Gjuta) dhe shtetasi E. Gj., 24 vjeç. Megjithatë, Policia nuk sqaron se në çfarë rrethana është plagosur vajza dhe kush ka qenë me të në dhomën e hotelit.
Arrestohen 2 shtetas dhe shpallen në kërkim 3 të tjerë.
Më datë 14.02.2026, rreth orës 00:15, në spital është paraqitur e plagosur me armë zjarri shtetasja N. K., 18 vjeçe, e cila ndodhet jashtë rrezikut për jetën.
Nga veprimet e shpejta hetimore të kryera nga specialistët për Hetimin e Krimeve kundër Jetës dhe Pronës, si dhe nga kqyrja e pamjeve të kamerave të sigurisë, rezultoi se ngjarja ka ndodhur në ambientet e një subjekti në Sauk, ku 18-vjeçarja dyshohet se është vetëplagosur me armë zjarri.
E dëmtuara është transportuar në spital nga shtetasja M. R. (Gj) dhe shtetasi E. Gj., 24 vjeç.
Në vijim të veprimeve procedurale:
-u arrestuan në flagrancë shtetasit V. Gj., 46 vjeç dhe M. R. (Gj), 48 vjeçe, për veprat penale “Moskallëzim i krimit” dhe “Veprime që pengojnë zbulimin e së vërtetës”;
-u shpallën në kërkim shtetasit S. Gj., 49 vjeç, dhe E. Gj., 24 vjeç, për veprat penale “Moskallëzim i krimit” dhe “Veprime që pengojnë zbulimin e së vërtetës”, si dhe shtetasi E. Gj., 22 vjeç, për veprat penale “Moskallëzim i krimit”, “Veprime që pengojnë zbulimin e së vërtetës” dhe “Armëmbajtja pa leje”.
Këta shtetas dyshohet se kanë prishur provat në vendin e ngjarjes dhe nuk kanë kallëzuar krimin.
Vijon puna për gjetjen dhe sekuestrimin e armës së zjarrit të përdorur në ngjarje, si dhe për kapjen e 3 shtetasve të shpallur në kërkim, me qëllim dokumentimin e plotë ligjor të rastit.
Materialet procedurale iu referuan Prokurorisë, për veprime të mëtejshme.
