Pas lotëve dhe dhimbjes që kaploi shtëpinë nga rrëfimi linjës së jetës, ku Tani tregoi për ndarjen nga jeta të nënës së tij dhe ngjarjen shokuese kur i vëllai i tij i tha se nuk e njeh pas 23 vitesh, mbrëmja e djeshme solli edhe momentin më të ëmbël për këngëtarin.
Për t’i rikthyer buzëqeshjen, “Vëllai i Madh” mundësoi hyrjen e bashkëshortes së tij në shtëpi. Ndryshe nga sa jemi mësuar të shohim, këtë herë rolet u ndërruan.
Ajo u shfaq me një buqetë me lule në duar për partnerin e saj, duke shkaktuar emocione dhe ovacione te publiku.
Me humorin dhe dashurinë që e karakterizonte momentin, ajo i tha: “Të vinte dita, që unë të të sillja lule ty…Vetëm Tan gjigandi e ka”.
Kjo batutë, e cila erdhi si një simbol mbështetjeje dhe vlerësimi për figurën e tij pas rrëfimit të vështirë, u prit me duartrokitje të forta nga publiku në studio, duke e kthyer atmosferën nga të trishtë në festë.
Çifti shkëmbeu përqafime të gjata dhe fjalë zemre, duke dëshmuar se pavarësisht mungesës së figurës amtare në të shkuarën, Tani ka ndërtuar një familje të fortë dhe plot dashuri sot
