Aksident i rende ne vend

Mëngjesin e sotëm, një aksident i rëndë ka ndodhur në aksin rrugor Levan–Tepelenë. Sipas informacioneve, një automjet tip KIA është përplasur me një Benz, duke shkaktuar pasoja tragjike.

Si rezultat i përplasjes, ka humbur jetën në vendngjarje drejtuesja e mjetit tip KIA, 39-vjeçarja Nertila Abazaj.

Ndërkohë, drejtuesi i Benzit dhe një pasagjer që udhëtonte me të kanë mbetur të plagosur dhe janë dërguar për trajtim mjekësor.

Grupi hetimor ndodhet në vendngjarje dhe po punon për sqarimin e plotë të rrethanave të aksidentit.