Më në fund Edi Rama e ka marrë goditjen përfundimtare nga BE, duke bllokuar përfundimisht anëtarësimin e Shqipërisë në BE. Kryeministri shqiptar sakrifikoi integrimin e shqiptarëve në europë për të shpëtuar lëkurën e kryehajdutes të miliarda eurove nga taksat e shqiptarëve. Mbrojtja që i bëri Ballukut, duke shkatërruar ëndrrën e një populli për të qenë pjesë e botës europiane erdhi si produkt i frikës nga fundi i frikshëm i klasës së korruptuar politike shqiptare nga drejtësia e re.
Megjithëse në dhjetor të vitit të kaluar, Komisioni Europian kishte paralajmëruar qeverinë e Tiranës se nuk do të miratonte raportin IBAR për të nisur mbylljen e kapitujve të negociatave në rast se Edi Rama do mbronte Belinda Ballukun, loja e Edi Ramës me shtyrjen e qëllimshme të heqjes së imunitetit nuk funksionoi.
Edhe pse kërkoi kohë me djegien e afateve kohore për kërkesën e SPAK për Ballukun, BE nuk u nxitua që të kalonte raportin IBAR, duke shtyrë afatet deri në vendimin e parlamentit për heqjen e imunitetit.
Por kur presioni nisi të shtohej, Rama u detyrua të shkonte drejt një vendimi, që do rezultojë fatal për të tashmen dhe të ardhmen e tij politike. Ai mori në mbrojtje Belinda Ballukun, duke nxitur reagimin e qartë të Brukselit se raporti IBAR nuk do miratohet.
Qëndrimin e bënë të ditur ambasadat kryesore të Europës në vendin tonë, duke filluar me atë gjermane e duke vazhduar me holandezen e madje edhe suedezen. Përpjekja për të krijuar idenë se edhe vendimi për IBAR do të zvarritet, siç u zvarrit vendimi për Ballukun, është një tentativë e kotë. Bllokimi i integrimit për në BE është fakt. Mbledhja e ditës së djeshme në Bruksel i dha shuplakën që meritonte kreut të krimit të organizuar dhe korrupsionit Edvin Kristaq Ramës. Nga dje zyrtarisht Shqipëria është jashtë negociatave duke u shtyrë për në “kalendat greke” procesi anëtarësimit në BE. Koston e hajdutërisë të bandës Rama-Balluku po e paguajnë shqiptarët. Nga dje ka rënë qeveria Rama dhe premtimi i famshëm elektoral për të futur vendin në BE brenda 2027. SOT.COM.AL
Comments are closed.