Gjatë një bisede para kamerave, Brikena ka folur hapur për raportin e saj me Mateon, duke përdorur edhe një krahasim astrologjik:

“Dashi dhe Demi nuk shkojnë bashkë, ka shumë kokëfortësi”, u shpreh ajo, duke lënë të kuptohet se mes tyre nuk ka përputhje.

Ajo shtoi më tej se pikërisht për këtë arsye mendon që ajo dhe Mateo nuk funksionojnë si çift, duke hedhur kështu dyshime mbi afrimitetin që kishin krijuar më herët.

Këto deklarata vijnë vetëm një ditë pas një përplasjeje mes tyre, e cila duket se ka ftohur ndjeshëm marrëdhënien.

Ndjekësit në rrjet e kanë lidhur këtë ndryshim të menjëhershëm me strategjinë e lojës, pasi kujtojnë se javën e kaluar, kur Brikena ishte në televotim, ajo ishte shumë më e afërt me Mateon. Mes tyre u panë momente romantike, përqafime, puthje dhe afrimitet i dukshëm.

Ndërsa tani, pas Prime-it të fundit, situata duket krejt ndryshe, me një distancim të qartë mes tyre.

Ky ndryshim i papritur ka ndezur diskutime të shumta në rrjet, ku shumë fansa po pyesin: a ishte gjithçka strategji apo ndjenja reale që tashmë janë shuar?