Mbrëmjen e kësaj të hëne në studion e “Top Story” me Grida Dumën është diskutuar lidhur me ndryshimet e bëra të shtunën e kaluar brenda Partisë Socialiste.
Gjatë komentimit të ngjarjeve të fundit, analisti Arjan Curri u ndal edhe te ajo që po flitet brenda korridoreve të së djathtëve, duke zbuluar se aktori Florian Binaj nuk është më i preferuari i demokratëve dhe i ish-kryeministrit Sali Berisha për zgjedhjet e Bashkisë së Tiranës.
Sipas Currit, personi me të cilin e djathta shqiptare pritet të dalë në zgjedhjet e ardhshme do të jetë pikërisht doktor Ilir Alimahmeti, një emër i dashur brenda bluve
“Unë kam informacion që kandidimin nuk do t’ia japin më Florit. Ja kanë premtuar Ilir Alimehmetit, në dijeninë time”, tha fillimisht Curri i pasuar nga Robert Rakipllari: “Këtë që the tani në fund e ke të saktë”, shtoi drejtori i Top Channel.
Dhe në fund ishte Grida Duma, drejtuesia e këtij emisioni ajo e cila u shpreh duke thënë: “Nëse rezulton kështu, do të jetë goditje poshtë brezit”.
Comments are closed.