Ajo që përflitej në korridoret e politikës për sherret (luftën) brenda Partisë socialiste të Edi Ramës ka shpërthyer në publik.
Kreu i grupit parlamentar të PS, Taulant Balla u shpreh dje në konferencë se do të marrë një vendim në konsultim me grupin parlamentar socialist në lidhje me mungesën e Elisa Spiropalit në seancën për Belinda Ballukun. “Nuk i marr vetëm vendimet, i marr me grupin parlamentar, do të pyes dhe grupin parlamentar për këtë çështje”, tha Balla i pyetur nga gazetarët. Ndërkohë deputetja e PS-së, Elisa Spiropali, ka reaguar publikisht pas deklaratës së kreut të grupit parlamentar, Taulant Balla, lidhur me mungesën e saj në seancën për votimin e imunitetit të Belinda Balluku, e cila po hetohet dhe është marrë e pandehur nga Prokuroria e Posaçme (SPAK). Përmes një postimi në rrjetet sociale, Spiropali shprehet se është plotësisht dakord me qëndrimin e Ballës për rëndësinë e konsultimit me grupin parlamentar në çështje të rëndësishme.
“Taulant, e lexova me vonesë një deklaratë tënden publike. Jam plotësisht dakord. Nëse çështja kërkon konsultim me grupin parlamentar, atëherë është pikërisht ajo që duhet bërë pa vonesë”, shkruan ajo. Deputetja shkruan se, zgjidhja është mbledhja e menjëhershme e grupit për një diskutim të plotë dhe të hapur. “Taulant, e lexova me vonesë një deklaratë tënden publike. Jam plotësisht dakord.
Nëse çështja kërkon konsultim me grupin parlamentar, atëherë është pikërisht ajo që duhet bërë pa vonesë. Thirre grupin dhe zhvillojmë një diskutim të plotë. Vendimmarrja kolektive është forca e grupit të PS dhe garancia e legjitimitetit politik.
Çdo qëndrim që del nga një diskutim i hapur, i troçtë dhe i ndërgjegjshëm, meriton respekt, pavarësisht drejtimit që merr. Rëndësi ka që vendimi të jetë i menduar, i argumentuar dhe në përputhje me përgjegjësinë që kemi përballë publikut”, nënvizoi dje Spiropali.
Çfarë ka ndodhur?
Kujotjmë se Elisa Spiropali ka qenë një nga njerëzit më të afërt të Edi Ramës. Nga drejtoreshë dogane, ajo u bë më pas deputete, ministre për Marrëdhëniet me Parlamentin, kryetare e Kuvendit dhe në fund ministre e Jashtme. Por duket se diçka u thye.
Në mbledhjen e grupit që Rama mbajti te Pallati i Brigadave, bëri disa ndryshime në qeveri dhe mes emrave të larguar ishte edhe Spiropali. Në vend të saj u vendos Ferit Hoxha. Nga të gjithë emrat, largimi i saj ishte më i paprituri. Kjo gjë solli edhe aludime më pas, teksa u përfol edhe për një mosmarrëveshje mes saj dhe Ballukut dhe Ramës, ku për këtë të fundit thuhet se e spiunoi tek gjermanët që i mbyllën derën e BE.
Ndërkohë ajo që shtoi dyshimet ishte edhe fakti që Spiropali bojkotoi seancën kur u vendos që të rrëzohej kërkesa e SPAK për arrestimin e Ballukut. Mirëpo duket se konflikti vijon dhe sinjalet janë se “gjakrat” janë ndezur në PS. Është folur shpesh se ka shumë emra në radhët e socialistëve të pakënaqur dhe duket se ky do të jetë një mandat jo shumë i qetë për Ramën.
Comments are closed.