Një ngjarje e rëndë ka ndodhur në Fier, ku një 40-vjeçar, Taulant Halka, dyshohet se ka kryer vetëvrasje në banesën e prindërve të tij në fshatin Portez.
Sipas policisë, Halka jetonte në Vlorë me familjen e tij, por prej kohësh kishte mosmarrëveshje në çift dhe ndodhej në proces divorci. Çifti kishte zhvilluar edhe një seancë gjyqësore për zgjidhjen e martesës, ndërsa bashkëshortja kishte kërkuar edhe urdhër mbrojtjeje.
Një ditë më parë, ai ishte larguar nga Vlora dhe kishte shkuar në Fier, te prindërit e tij. Mbrëmjen e djeshme, në gjendje të rënduar psikologjike, dyshohet se ka përdorur një armë gjahu, në pronësi të babait, për të kryer aktin fatal.
Viktima la pas dy fëmijë të mitur. Policia po vijon hetimet për të zbardhur të gjitha rrethanat e ngjarjes.
Comments are closed.