Një foto e kreut te Qeverise, kryeministres italiane Giorgia Meloni me Gioacchino Amico, i cili sot është i pandehur në procesin “Hydra” për lidhje me krimin e organizuar në Lombardi, ka ndezur polemika të forta në Itali.
Kjo foto është realizuar më 2 shkurt 2019, gjatë një aktiviteti të partisë “Vëllezërit e Italisë” në Hotel Marriott, Milano, përpara zgjedhjeve evropiane. Në atë kohë, Amico ishte arrestuar për mashtrim dhe aktivitete kriminale, por nuk njihej ende për veprimtari kriminale.
Sipas mediave italiane, Amico konsiderohet nga hetuesit si një figurë kyçe në sistemin mafioz të Lombardisë, me lidhje mes Camorra-s, ‘Ndrangheta-s dhe qarqeve kriminale të afërta me Matteo Messina Denaro. Opozita ka ngritur pyetje mbi mënyrën se si ai ka pasur akses në aktivitete politike dhe madje edhe në Parlament dhe ka kërkuar hetime të plota.
Meloni e ka cilësuar publikimin si një sulm politik, duke theksuar se gjatë veprimtarisë së saj ka bërë mijëra selfie me qytetarë të ndryshëm dhe nuk ka mundësi të kontrollojë kush janë ata.
“Këta zotërinj e dinë mirë se, në dekada të veprimit politik, ka dhjetëra mijëra foto të njerëzve që thjesht kërkojnë një selfie. Dhe kjo vlen për këdo që bën politikë dhe është në botë. Unë i sfidoj të gjithë të gjejnë deklaratat ose sulmet e mia kundër politikanëve të tjerë që janë gjendur në një pozicion të ngjashëm.
Fushata ime kundër të gjitha mafieve është e qartë si kristali dhe karakterizohet nga kohëzgjatja dhe koherenca”, tha Meloni, duke shtuar se publikimet i shërbejnë interesave partiake.
Comments are closed.