Një operacion i gjerë antidrogë ka tronditur opinionin publik në Turqi, pasi në shënjestër të autoriteteve kanë qenë disa prej figurave më të njohura të skenës artistike dhe televizive në vend.
Aksioni është zhvilluar mëngjesin e kësaj të enjteje në kuadër të një hetimi të drejtuar nga Prokuroria e Përgjithshme e Stambollit (Anadolu), në bashkëpunim me Drejtorinë e Luftës kundër Narkotikëve. Hetimi lidhet me veprat penale të “blerjes, pranimit ose posedimit të lëndëve narkotike për përdorim” si dhe “përdorimit të tyre”.
Sipas njoftimit zyrtar, janë lëshuar gjithsej 14 urdhër-arreste ndaj personave të njohur për publikun. Gjatë operacionit 11 persona janë arrestuar, 2 persona nuk janë gjetur në adresat e tyre dhe janë shpallur në kërkim, 1 person është konfirmuar se ndodhet jashtë vendit.
Në mesin e të përfshirëve në këtë çështje janë emra shumë të njohur të industrisë së argëtimit. Mes tyre përmenden aktori Burak Deniz dhe reperi Ender Eroğlu (Norm Ender), të cilët kanë tërhequr vëmendjen më të madhe të mediave.
Comments are closed.