Një ngjarje e rëndë ka ndodhur gjatë ditës së sotme në rrugën “Remzi Hoxha” në Ferizaj.
Sipas raportimeve, dyshohet se një punëtor i moshës 59-vjeçare, ka rënë nga kati i gjashtë i objektit në ndërtim gjatë punimeve.
Lajmin e ka konfirmuar zëdhënësi i policisë për rajonin e Ferizajt, Kanun Veseli i cili bëri të ditur se janë njoftuar hetimet, forenzika rajonale dhe inspektorët komunal të punës.
“Me datë 13.04.2026, rreth orës 11:45, është pranuar informatë se në rrugën “Remzi Hoxha” një person ka rënë nga një objekt në ndërtim. Patrulla policore ka dalë menjëherë në vendngjarje, ku edhe ekipet emergjente kanë konstatuar vdekjen e viktimës.
Dyshohet se viktima është nje mashkull 59 vjeç , i cili ka rënë nga kati i 6-të i objektit në ndërtim gjatë punimeve. Policia ka siguruar vendin e ngjarjes, ndërsa janë njoftuar hetimet, forenzika rajonale dhe inspektorët komunal të punës. Për informata shtesë do të njoftoheni me raport të mëvonshëm”, thuhet në njoftimin e policisë.
Comments are closed.