Media shtetërore: Ushtria iraniane mbyll përsëri Ngushticën e Hormuzit

Ushtria e Iranit thotë se po rimerr kontrollin e Ngushticës së Hormuzit, sipas mediave shtetërore iraniane, raporton BBC.

Agjencia e Lajmeve Fars, e cila është e lidhur me Korpusin e Gardës Revolucionare Islamike (IRGC), Agjencinë e Lajmeve të Studentëve Iranianë dhe transmetuesi shtetëror IRIB citojnë një deklaratë nga IRGC-ja ku thuhet se ngushtica do të kthehet “në gjendjen e saj të mëparshme”, me forcat e armatosura që kontrollojnë zonën.

Kujtojmë që disa anije detare kaluan më parë nëpër këtë rrugë ujore, por është e paqartë se sa trafik detar ka kaluar.

Deklarata e IRGC-së akuzon SHBA-në për “pirateri”, duke thënë se “e ashtuquajtura bllokadë” e saj përbën grabitje detare. Irani më parë tha se do ta mbyllte ngushticën nëse SHBA-të do të vazhdonin bllokadën e porteve të saj.