Komuniteti arsimor i Krumës është tronditur sot nga lajmi i ndarjes së parakohshme nga jeta të Drejtorit të shkollës “Sejdi Dida”, z. Astrit Poga. Humbja e tij ka sjellë dhimbje tek familja, kolegët dhe nxënësit, pasi ai ishte një figurë e respektuar dhe një drejtues model.
Astrit Poga ishte mësues i biologjisë dhe kimisë, me mbi 20 vite punë e përvojë në arsim, duke formuar breza të tërë nxënësish me përkushtim dhe profesionalizëm. Kontributi i tij në edukimin e brezave do të mbetet i skalitur në kujtesën e qytetit të Krumës.
“Me dhimbje të madhe është pritur lajmi për ndarjen e parakohshme nga jeta të Drejtorit të shkollës “Sejdi Dida” në Krumë, z. Astrit Poga.
Komuniteti arsimor humbi sot një drejtues model, një njeri të palodhur dhe një mik të çmuar për çdo nxënës e mësues. Astrit Poga nuk ishte thjesht një emër në krye të shkollës, por një vizionar që i dha shpirt institucionit, duke lënë pas një boshllëk të madh që vështirë se do të mbushet.
Kontributi i tij në edukimin e brezave do të mbetet i skalitur në kujtesën e qytetit të Krumës.
U prehsh në paqe, Drejtor!
Ngushëllime të sinqerta familjes, kolektivit të shkollës dhe gjithë miqve. Kujtimi yt do të jetë i paharruar.“ -thuhet në njoftim
Comments are closed.