Një atentat i rëndë me armë zjarri ka tronditur zonën e Balldrenit në Lezhë, ku një automjet tip Audi Q7, me ngjyrë të zezë, është qëlluar me breshëri plumbash.
Siç shihet edhe nga pamjet e siguruara nga vendngjarja, mjeti është bërë pothuajse i shoshë nga plumbat, me dëmtime të shumta në pjesën anësore.
Sipas informacioneve më të fundit, një nga viktimat është identifikuar si Kreshnik Mujeci, i cili udhëtonte së bashku me bashkëshorten e tij. Çifti dyshohet se ka humbur jetën në vend si pasojë e të shtënave.
Automjeti në të cilin ndodheshin është gjetur i bërë shoshë nga plumbat, ndërsa autorët dyshohet se kanë vepruar në mënyrë të mirëorganizuar, duke i zënë pritë.
Sipas informacioneve paraprake, brenda automjetit ndodheshin dy persona, një burrë dhe një grua, të cilët dyshohet se kanë humbur jetën si pasojë e të shtënave.
Forcat e policisë dhe grupi hetimor ndodhen në vendngjarje dhe kanë rrethuar zonën, ndërsa po punohet për identifikimin e viktimave dhe zbardhjen e plotë të rrethanave të këtij atentati.
Ende nuk ka një version zyrtar mbi motivet, por dyshohet për një sulm të mirëorganizuar.
Comments are closed.