Automjeti me të cilin tre të rinjtë Adriano Mhillaj, Renato Mhillaj dhe Florin Mhillaj përdorën në atentatin ku vranë Kreshnik dhe Gentjana Mujeci, është gjetur nga policia këtë të martë.
Bëhet me dije se automjeti tip “Golf 5” është gjetur nga policia i fshehur në zonën e Torovicës së Lezhës.
Dyshohet se, pasi kryen krimin e rëndë, tre kushërinjtë Mhillaj janë arratisur me dy automjete, “Audi A4” dhe “Golf 5”, pa targa, ku më pas kanë humbur gjurmët. Deri më tani, kontrollet e ushtruara nga policia nuk kanë bërë të mundur gjetjen e tyre.
Më herët u raportua se dy nga të rinjtë kanë qenë pranë lokalit ku qëndronte çifti Mujeci. Teksa aty ka kaluar një makinë policie, e cila i ka trembur.
Kjo ka bërë që “Golf 5” pa targa të lëvizte drejt zonës së Balldrenit, në të cilën ndodheshin dy prej autorëve, dhe ka qëndruar aty, ndërsa “Audi” ka vijuar monitorimin e çiftit pasi kanë dalë nga lokali, deri në momentin kur janë ekzekutuar.
Vrasja e Kreshnik dhe Gentjana Mujeci, sipas policisë, ka ndodhur për motive gjakmarrjeje.
Comments are closed.