Teksa afati për dorëzimin e kandidaturave për kreun e Partisë Demokratike po shkon drejt mbylljes, një incident i pazakontë është raportuar nga aktivistja shqiptaro-amerikane Evi Kokalari.
Përmes një reagimi në rrjetet sociale, ajo ka bërë të ditur se përfaqësuesi i saj ligjor nuk është lejuar të hyjë në selinë e Partisë Demokratike për të dorëzuar dokumentacionin e kandidimit. Sipas saj, avokati është paraqitur në seli mëngjesin e kësaj të enjte, mirëpo është ndaluar nga roja në hyrje.
“Ne orën 9:30 AM, avokati im në Tiranë ka shkuar në selinë e PD-së për të dorëzuar dosjen e aplikimit dhe roja nuk e ka lënë të hyjë brenda, por i ka komunikuar, pasi ka folur me dikë brenda, që: “nuk pranojmë zarfe.””, shkruan Kokalari, dhe e gjendur në këto kushte ka njoftuar se se dokumentacioni do të dërgohet përmes shërbimeve postare ndërkombëtare, si dhe në rrugë elektronike, përpara përfundimit të afatit zyrtar.
Sipas udhëzimit të Partisë Demokratike të datës 18 mars, afati për dorëzimin e dokumentacionit përfundon në orën 12:00 të ditës së sotme. Një natë më parë edhe ish-deputeti demokrat, Ervin Salianji njoftoi se ditën e sotme do të dorëzonte dhe ai kanddiaturën për të garuar në zgjedhjet e 23 prillit përballë Sali Berishës për postin e kryetarit të Partisë Demokratike.
Comments are closed.