Avokati i njohur, Spartak Ngjela ka “kryqëzuar” Sali Berishën, duke e cilësuar Partinë Demokratike si një pronë private pa asnjë shpresë për pushtet. Ai thekson se statusi “non-grata” i Berishës në SHBA e ka zhytur opozitën në krizë të thellë, duke e çuar drejt shuarjes totale. Ngjela nënvizon se PD nuk ka më fuqi politike në Perëndim dhe se sondazhet e fundit e vendosin shumë poshtë Partisë Socialiste. Sipas tij, Berisha e mban partinë për interesa personale, ndërsa demokratët e pranojnë krizën pa ofruar zgjidhje.
Avokati paralajmëron se zgjedhjet e brendshme të 23 majit nuk do të sjellin ndryshim, pasi kryetari aktual nuk ka asnjë mundësi të rikthejë PD-në në pushtet. Nga ana tjetër, Ngjela ka komentuar edhe zhvillimet brenda Partisë Socialiste, ku Elisa Spiropali duket se i ka vënë “thikën në fyt” kryeministrit Edi Rama. Ai e sheh këtë si një përplasje të fortë mes tyre, që mund të precipitojë në kriza të reja brenda PS.
Ngjela e cilëson retorikën e tyre si mesjetare, larg standardeve moderne të politikës perëndimore. Përplasjet e brendshme në të dyja kampet politike, sipas tij, tregojnë se interesi personal i liderëve ka zëvendësuar interesin e kombit. Në këtë panoramë, avokati shprehet se politika shqiptare është e bllokuar nga pasioni për pushtet dhe mungesa e intelektit politik, duke e lënë vendin pa vizion të qartë për të ardhmen. Më poshtë po pasqyrojmë pjesë nga intervista e avokat Ngjelës në Dritare TV”.
-Avokat Ngjela, si ishin zhvillimet e fundit brenda Partisë Demokratike?
Nuk është krizë e Partisë Demokratike, është krizë e personit që e ka marrë fund që drejton, Saliu, “non grata” në Amerikë. Ajo s’ka fuqi politike në Shqipëri sepse s’ka fuqi politike në Perëndim. Nuk jap kundër tyre, por kjo është e vërteta.
-Si e komentoni pjesën, avokat, që disa që kanë shprehur kandidaturën e tyre për kreun e Partisë Demokratike, që janë zgjedhjet në datën 23 maj, por nuk janë pranuar?
Është çështja e tyre, e kanë absolut kryetarin. Zotëri Këtu flitet, kanë bërë përpjekje për të marrë pushtetin. Cila është esenca ose thelbi i tyre? Qëndresa e Saliut në atë post. Po Saliu e di që nuk mund të vijë dot në pushtet dhe ta nxjerrë atë Partinë Demokratike si fituese të zgjedhjeve. E di! Pse rri? Për interesin e tij. Ajo nuk diskutohet. Partia Demokratike është shumë mbrapa me sondazhet që kanë bërë ndërkombëtarët në Shqipëri dhe kriza është Saliu. Ata e pranojnë krizën, e mbajnë dhe Saliun; punë e tyre. Ç’na duhet ne?
–Avokat, pas zgjedhjeve të datës 23 maj që janë brenda Partisë Demokratike, a mendoni se do të ketë një përçarje midis demokratëve?
Nuk di çfarë të them. Do ta presim faktin. Po atje ai kryetar është. Këtu flitet, ndërrohet kryetari. Jo, kryetari aktual e sjell dot Partinë Demokratike në pushtet në Shqipëri? Jo. Pse nuk e sjell? Sepse i kanë rënë ato aksionet për faktin se është “non-grata” në SHBA (Amerikë). Biseda mbaron, zotëri. Hajde, keni ndonjë pyetje tjetër?
-Sipas këndvështrimit tuaj, avokat, duhej që kreu i Partisë Demokratike aktualisht, zoti Berisha, të kandidonte sërish për zgjedhjet e ardhshme?
Për cilat zgjedhje?
-Për zgjedhjet e datës 23 maj që janë së shpejti…
Përse do kandidojë? Jep, tregoje njerëz, për çfarë kandidimi? Ku?
-Avokat, e kam fjalën për kreun e Partisë Demokratike që është aktualisht zoti Sali Berisha…
Kreun e Partisë Demokratike? Ku ka zgjedhje të tjera? Kreun e Partisë Demokratike, zotëri, ai e ka pronë tani. Pse e zgjat këtë moment? Ju e bëni pyetjen sikur janë zgjedhjet elektorale. Prandaj u detyrova që ta sqaroni. Ai, puna e tij, partia e tij ajo. Zotëri ne nuk mund të hyjmë në punët e brendshme të Partisë Demokratike, por ekzistenca e Saliut atë e dëmton. Ata e mbajnë sepse e kanë pasur kryetar të vjetër, themeluesin e tyre; punë e tyre. Politika për këtë çështje kaq flet. Më shumë nuk ka pse, ç’të themi.
-Kishim, avokat, si e keni parë gjyqin e ish-presidentit të vendit, zotit Ilir Meta? Si ju është dukur gjendja e tij fizike?
I rënë. Mund ta ketë nga izolimi atje, në izolimin në birucë. Po, është i izoluar, ai nuk është në burg, është në masat e izolimit. Ju e dini, gjendja e rëndë është atje. Ai ka rënë nga paraqitja fizike, atëherë e ka dëmtuar qenia në izolim, në birucë. E kanë mjekët në dorë. Atë e… më falni, e shikon dhe e kupton çdo njeri që ai është në rënie. Zotëri, unë jam profesionist. Jo vetëm profesionist, por e njoh mirë, i njoh mirë birucat e këtyre. Pra, nuk di çfarë të them, por meqë më pyetët, unë nuk kam pasur ndonjë konflikt me Ilir Metën edhe më vjen shumë keq që nuk trajtohet me humanizëm sipas ligjit shqiptar dhe ligjit ndërkombëtar.
-Si e shihni procesin e shqyrtimit ndaj Ilir Metës, zoti avokat?
Cilin shqyrtim?
-Shqyrtimin e çështjes së tij, e kam fjalën…Për këtë bëhet pjesë…
Po kur të fillojë, atëherë do flasim. S’ka mbaruar gjë akoma, është në proces, zotëri. Nuk ka marrë dënim. Do shikojmë procesin dhe do jap mendimin tim.
–Avokat Gjithashtu desha të bëj dhe një pyetje tjetër për çështjen e zotit Meta. A duhej që ai të qëndronte në paraburgim prej një afati kohor të caktuar prej një viti e më shumë, pasi nuk është vërtetuar asgjë deri më tani?
Varet për çfarë e akuzojnë. Unë ju thashë, jam njeri i asnjanshëm dhe eci me ligjin. Për akuzën e Metës realisht nuk e di. Ata e mbajnë, ata e trajtojnë sikur është i akuzuar për krime të rënda. Ne nuk kemi parë gjë. Atëherë çfarë ndodh? Nuk kam dëgjuar të na shpjegojnë as avokatët e Metës. kështu që nuk di çfarë të them. Në qoftë se keni ju ndonjë fakt, ma thoni.
-E qartë. Avokat, si e komentoni edhe pjesën e zhvillimeve të fundit brenda Partisë Socialiste, për fjalën e zonjës Elisa Spiropali që ka bërë komunikimin para disa ditësh midis kryeministrit dhe zonjës Spiropali për çështjen e postimeve të saj në rrjetet e saj sociale, që i është deklaruar kryeministrit të vendit që “më përjashto” me një formë të prerë?
Pra ajo nuk e pranon trajtimin që i bën kryetari i partisë, që është dhe kryeministër, dhe thotë “më përjashto”. Jemi në politikë. Çfarë tregon kjo? Është presion ndaj kryeministrit. Do ta përfillë kryeministri apo nuk do ta përfillë, unë nuk di çfarë të them. Por goditja nuk është e lehtë se ajo ka qenë personalitet pothuajse i dytë i Partisë Socialiste, ju e dini. Të shikojmë se si do të precipitojnë ngjarjet. Nuk di çfarë të them më shumë se kaq.
-E qartë, avokat…
Konflikti i tyre ka marrë përmasa të një politike mesjetare, jo moderne. Domethënë, nuk mund të themi si Parti e Punës sepse s’ka lidhje me atë, por me një retorikë të vjetër, të vjetër në konceptin modern të politikës perëndimore.
– Gjithashtu, avokat, ne kemi edhe protestën e radhës në datën 8. Si e parashikoni ju këtë protestë? Do të jetë një protestë si të gjithë të tjerat. Dhe për çfarë e bën konkretisht zoti Berisha këtë protestë?
Ajo nuk është protesta e parë. Duhet t’u qëndrojmë sondazheve. Sondazhet nuk i ka mirë, i ka poshtë. Pse i bën këto revoltat ose këto lloj goditjesh? Kjo është tradita e vjetër e Saliut. Dy gjëra duhet të ketë politikani i madh që kërkon të vijë në pushtet: elokuencë të pranueshme nga opinioni publik në mënyrë absolute dhe të ketë krijimtari të padiskutueshme në oratorinë e tij, në mbrojtje të dinjitetit kombëtar dhe të popullit shqiptar. Këto nuk i kemi. Pra, nuk i ka Partia Demokratike këto, dhe konkretisht zoti Berisha. Në qoftë se i keni parë ju, më thoni, unë nuk i kam parë.
-Po, avokat…
Këta flasin vetëm për interesin e tyre, jo për interesin e kombit. Edhe nuk e ka vetëm kjo parti, pothuajse kështu është politika shqiptare e kryetarëve. Flasin më shumë për interesin e tyre sesa për interesin e shqiptarëve dhe të kombit shqiptar, të Shqipërisë. Pse jemi në të tillë situatë? Sepse niveli i ulët i intelektit politik u bllokohet nga pasioni i brendshëm, nga interesi individual për pushtet. Tani kësaj nuk i dalim dot, se kjo është një çështje e qytetërimit perëndimor të lartë që nuk ka ardhur në Shqipëri dhe prandaj do t’i presim dhe të shikojmë këto.
– Avokat, aktualisht Partia Demokratike, a ka besueshmëri dhe frymëzim, apo jo? Në këndvështrimin tuaj, si i shihni ju zhvillimet e fundit brenda Partisë Demokratike?
Por ju thoni “sa dalin sondazhet”. Atë e ka media në dorë, sa i ka sondazhet… Sipas të dhënave të mia, unë nuk jam ekspert mediatik dhe nuk kam organet e mia të investigimit, por sipas burimeve të mia, Partia Demokratike është poshtë në funksion të nivelit të saj. Për zgjedhjet e reja është poshtë, është shumë, ndoshta dhe 15% ose më shumë nën Partinë Socialiste.
– Avokat, Ervin Salianji do të ishte një ndër emrat më të përshtatshëm për drejtimin e Partisë Demokratike apo jo?
Duhet ta marrë drejtimin. S’di çfarë të them. Zotëri po nuk fiton dot një parti, nuk mund të ndërhyjë unë. Më kuptoni, unë… çdo politikan merret me kryetarin e partisë. Se ç’ndodh brenda partisë, përzgjedhjet për ato, është jashtë politikës kombëtare. Politika e partisë… Në qoftë se do të ndërrojnë kryetarin, atëherë do flasim për kryetarin e ri. Në qoftë se ata nuk e ndërrojnë kryetarin, dhe shenjat janë që nuk do ta ndërrojnë, ne për kryetarin e tyre – të paktën unë për kryetarin e tyre – i kam thënë të gjitha.Çfarë po ndodh brenda PS, Spartak Ngjela tregon pse Elisa Spiropali i ka vënë “thikën në fyt” Edi Ramës dhe…
Comments are closed.