Monedha europiane ka vijuar të dobësohet përballë lekut shqiptar. Sipas Bankës së Shqipërisë në kursin e këmbimit një euro po këmbehet aktualisht me 95 lekë I cili rezulton se është një prej niveleve më të ulëta të regjistruara.
Agjentët e tregut valutor parashikojnë që monedha europiane do të vijojë të qëndroj e dobët përballë lekut pasi tashmë pritet shtim I turistëve të huaj ndërsa tregu vazhdon të karakterizohet nga një gjendje e bollshme e valutës, ndërsa kërkesa për të është e dobët.
Zhvlerësimi i euros sipas institucioneve ka ardhur si rezultat i hyrjeve të larta valutore nga turizmi, remitancat dhe investimet e huaja. Kjo situatë sipas Bankës e Shqipërisë ka ndikuar pozitivisht në mbajtjen e inflacionit në kontroll edhe pse s’ka pasur ulje të çmimeve.
Banka e Shqipërisë planifikon të tërheqë deri në 450 milionë euro nga tregu gjatë vitit 2026. Ajo do të shtojë ndërhyrjet, ku sipas kalendarit te publikuar pritet të tërhiqen rreth 100 milionë euro me shume se planifikimi për këtë vit. Ndërhyrjet kryhen për efekt të rezervës valutore por edhe me qëllim stabilizimin e kursit të këmbimit. Sipas Bankës së Shqipërisë Leku u mbiçmua kundrejt valutave kryesore.
Mbiçmimi i Lekut ndaj monedhës evropiane ishte më i theksuar në muajt korrik-gusht, periudhë gjatë së cilës vëllimi i flukseve valutore nga turizmi ishte më i lartë.
Kursi lek/euro rezultoi mesatarisht 97.0 lekë për 1 euro në gjashtëmujorin e dytë të vitit, nga 98.7 lekë në gjashtëmujorin e kaluar dhe 99.1 lekë në gjashtëmujorin e njëjtë një vit më parë. Gjatë gjysmës së dytë të vitit 2025, vijoi nënçmimi i mëtejshëm i monedhës evropiane, e cila, në muajin dhjetor, u kuotua mesatarisht me 96.5 lekë për 1 euro, duke arritur një nivel të ri minimal historik.
Comments are closed.