Një anije cisternë me pronësi kineze është sulmuar pranë Ngushticës së Hormuzit më 4 maj, duke shtuar shqetësimet për sigurinë detare në rajon.
Sipas mediave kineze, incidenti ndodhi në Gjirin Persik, pranë brigjeve të Emirateve të Bashkuara Arabe, ku në kuvertën e anijes shpërtheu zjarr.
Deri tani nuk ka konfirmim për persona të lënduar, ndërsa autoritetet kineze nuk kanë dhënë ende detaje zyrtare mbi ngjarjen.
Raportimet tregojnë se në anije ishte shkruar “CHINA OWNER & CREW”, çka sugjeron se ajo kishte pronësi dhe ekuipazh kinez.
Burime të sigurisë detare dyshojnë se bëhet fjalë për tanker-in JV Innovation, me flamur të Marshall Islands, i cili raportoi zjarr gjatë lundrimit.
Ngjarja ndodhi në një moment tensionesh të larta në Ngushticën e Hormuzit, ku qindra anije dhe mijëra marinarë raportohet se janë bllokuar për shkak të situatës së sigurisë.
Kina mbetet një nga blerësit kryesorë të naftës iraniane, ndërsa tensionet mes SHBA-së dhe Iranit vijojnë të mbeten të larta.
Comments are closed.