Një ngjarje e rëndë dhe tronditëse është regjistruar pasditen e sotme në zonën e Plazhit të Vjetër në Vlorë, ku një 32-vjeçare me inicialet E.T. është gjetur pa shenja jete në ujë.
Sipas informacionit paraprak të bërë publik nga autoritetet policore, dyshohet se e reja vuante prej kohësh nga depresioni, një problem serioz që prek shumë persona dhe kërkon mbështetje të vazhdueshme familjare dhe profesionale.
Sipas raportimeve nga vendngjarja, ka qenë bashkëshorti i saj ai që ka konstatuar trupin në det dhe ka bërë të mundur nxjerrjen e tij nga uji.
Menjëherë pas ngjarjes, në vend kanë mbërritur forcat e policisë dhe grupi hetimor, të cilët kanë nisur procedurat për zbardhjen e plotë të rastit.
Trupi i pajetë i 32-vjeçares është transportuar drejt morgut, ku do t’i nënshtrohet ekzaminimeve mjeko-ligjore për të përcaktuar shkakun e saktë të vdekjes.
Ndërkohë, bashkëshorti i saj po merret në pyetje nga hetuesit për të ndihmuar në sqarimin e rrethanave të kësaj ngjarjeje të rëndë.
Comments are closed.