Një e moshuar është gjetur e pajetë në banesën e saj në lagjen nr. 4 të qytetit të Korçë.
Sipas informacioneve paraprake, dyshohet se viktima kishte rreth tre ditë pa kontaktuar me familjarët, ndërsa fqinjët kanë njoftuar policinë pasi nuk e kishin parë gjatë kësaj periudhe.
Në vendngjarje kanë ndërhyrë forcat zjarrfikëse, të cilat kanë hapur derën e banesës, ku është konstatuar trupi i pajetë i të moshuarës, e cila jetonte e vetme.
Nga këqyrja e parë mjeko-ligjore, në trupin e viktimës është konstatuar një hematomë në kokë, çka ngre dyshime se ajo mund të jetë rrëzuar aksidentalisht dhe si pasojë ka humbur jetën.
Policia ndodhet në vendngjarje dhe ka nisur hetimet për të sqaruar plotësisht rrethanat e ngjarjes, ndërsa trupi është dërguar në morg për ekspertizën mjeko-ligjore.
Comments are closed.