Një ngjarje e rëndë me armë zjarri ka tronditur mbrëmjen e kësaj të enjteje kryeqytetin e Kosovës, ku të shtëna janë raportuar në një zonë të Prishtinës.
Sipas informacioneve paraprake, një person është qëlluar me armë zjarri në pjesën e kokës, duke mbetur i plagosur rëndë. Menjëherë pas ngjarjes, ai është transportuar me urgjencë drejt spitalit për të marrë ndihmën mjekësore, ndërsa burime bëjnë me dije se ndodhet në gjendje kritike për jetën.
Dyshohet se shënjestër e atentatit ka qenë Harbim Vitija, i njohur ndryshe me nofkën “Plaku”, megjithëse autoritetet nuk kanë dhënë ende një konfirmim zyrtar lidhur me identitetin e personit të plagosur apo motivet e sulmit.
Pas të shtënave, forca të shumta policie kanë mbërritur në vendngjarje, duke rrethuar të gjithë zonën dhe nisur hetimet për zbardhjen e plotë të rrethanave të kësaj ngjarjeje të rëndë. Deri më tani nuk raportohet për persona të arrestuar, ndërsa hetuesit po punojnë për identifikimin dhe kapjen e autorëve.
