Drejtori i OSHEE-së Erald Elezi, është paraqitur këtë të premte në Prokurorinë e Posaçme, në kuadër të hetimeve për dosjen e tunelit të Llogarasë. Elezi është marrë i pandehur nga SPAK për çështjen që lidhet me tenderin e tunelit të Llogarasë.
Akuzat që rëndojnë ndaj Elezit dhe të pandehurve të tjerë përfshijnë korrupsionin, shpërdorimin e detyrës dhe shkeljen e barazisë në tenderë.
SPAK e mori Elezin nën akuzë që vitin e kaluar, ndërsa të njëjtat akuza rëndojnë edhe mbi kreun aktual të ARRSH-së, Gentian Gjyli.
Hetimet janë mbështetur edhe në materialet e sekuestruara nga telefoni celular i ish-kreut të ARRSH-së, Evis Berberi.
